Бөлүмдөр
Шейшемби, 20-август
Жалал-Абад облусуБазар-Коргон району 22.01.2015 16:00

Экс-президент Р.Отунбаева Базар-Коргон айыл аймагындагы №1 Макаренко мектебинде болду (фото)

Turmush -  Экс-президент Роза Отунбаева бүгүн, 22-январь күнү Жалал-Абад облусунун Базар-Коргон районунун Базар-Коргон айыл аймагына караштуу №1 Макаренко мектебинде мугалимдер жамааты, Жалал-Абад облустук бийлигинин өкүлдөрү жана Базар-Коргон районунун акими Таалайбек Долдоев менен жолугушту.

Маалыматка ылайык, бул мектеп 1939-жылы ачылган. Учурдагы жаңы имарат 1968-жылы салынган. Мектепке акыркы үч жыл ичинде 17 млн сомдук инвестиция тартылып, бир топ алгылыктуу жумуштар аткарылган.

Учурда аталган мектепте 1-4-класстагы окуучулардын саны 640. 2013-2014-окуу жылында Бириккен Улуттар Уюмунун азык-түлүк программасынын кароосунан өтүп, мектепке 1 млн 405 миң 655 сомдук ашкана жабдуулары алынган. 2014-жылы мектептин ашканасы капиталдык ремонттон өткөрүлүп, айыл аймагы 50 миң сом, ата-энелер 204 миң 265 сомдук көмөк көрсөткөн.

Андан сырткары, 2014-жылы ар бир окуу бөлмөсүнө кол жуучу жай орнотулуп, балдар бош убактысында эс алуу үчүн 20 отургуч орнотулган. Мектеп окуучулары тарабынан экс-президентке жана башка келген конокторго башка улуттардын бийлери тартууланып, жыйынтыкталды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×