Бөлүмдөр
Шейшемби, 20-август
Жалал-Абад облусуБазар-Коргон району 12.02.2015 10:51

Базар-Коргон районунун Колот айылында эски мектептин имараты бала бакча болуп ачылды

Turmush -  Базар-Коргон районунун Акман айыл аймагынын Колот айылында жергиликтүү элдин демилгеси менен 100 орунга ылайыкташкан «Раяна» балдар бакчасы ачылды. Бул тууралуу райондук мамлекеттик администрациясынын басма сөз кызматы билдирди.

Ачылуу аземине өкмөттүн Жалал-Абад облусу боюнча ыйгарым укуктуу өкүлү Жумагүл Эгембердиева, райондун акими Таалайбек Доолдоев жана жергиликтүү тургундар, райондун айыл өкмөттүн жетекчилери катышты.

Ж.Эгембердиева балдар бакчасы үчүн бир дана түстүү телевизор белек кылды. Ал эми райондун акими акча каражатын бөлүп берүүнү убада кылды.

Балдар бакчасы жалпы жүз орунга ылайыкташкан. Учурда имарат толук кандуу ондоп тузөөдөн өтпөгөнүнө байланыштуу бакчада эки тайпа түзүлүп анда баардыгы болуп 62 бала тарбияланып жатат. Мектепке чейинки тарбия, билим берүүчү бул жайда баардыгы болуп 13 кызматкер эмгектенет.

Аталган балдар бакчанын жетекчиси Анара Ысакованын айтымында, балдар бакчасы жергиликтүү тургундардын демилгеси менен уюшулган. Анткени бакчада тарбияланып жаткан 62 баланын ата энеси 180 миң сом акча каражатын жыйнашкан. Ал эми имарат Колот айылындагы мурдагы эски мектептин имараты.

Учурда бакча деген талапка жооп берүү үчүн дагы көп жетишпестиктер бар. Алсак, ашканадагы кемчиликтер, анан эн негизгиси имаратты капиталдык оңдоодон өткөрүү зарылдыгы, деп кошумчалайт басма сөз кызматы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×