Бөлүмдөр
Шейшемби, 20-август
Жалал-Абад облусуБазар-Коргон району 18.06.2015 17:42

Базар-Коргондун Оогантала айылында №17 гимназия мектебинин заманбап спорт залы пайдаланууга берүү алдында турат (фото)

Turmush -  Базар-Коргон районунун Могол айыл аймагынын Оогантала айылында №17 С.Далбаев атындагы гимназия мектебинде заманбап типте салынып жаткан спорт зал келээрки айда пайдаланууга берүү алдында турат.

Базар-Коргон райондук администрациясынвн басма сөз кызматы кабарлагандай, ал спорт залдын абалы менен район акими Таалай Долдоев таанышты. Могол айыл аймагынын башчысы Эркин Турдукуловдун айтымында, спорт зал АРИСтин долбоорунун негизинде курулууда, мындагы заманбап имаратты бүткөрүүгө жалпы суммасы 8 млн 139 миң сом каражат жумшалат.

Заман талабына ылайыкташып курулуп жаткан спорт залды курууга айыл жашоочулары жана жергиликтүү бийлик өкүлдөрү колдоого алышкан.

«Спорт залды куруу үчүн жергиликтүү калк 1 млн 800 миң сом топтоду. Ошондой эле КР өкмөтүнүн Жалал-Абад обласындагы ыйгарым укуктуу өкүлчүлүгүнөн 50 миң, Базар-Коргон райондук мамлекеттик администрациясы тарабынан 147 мин, айыл өкмөттүн эсебинен 300 миң сом акча каражаты бөлүнүп берилди. Азыр жумуштун дээрлиги бүтүп калды», - дейт айыл өкмөт башчысы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×