Бөлүмдөр
Шейшемби, 20-август
Жалал-Абад облусуБазар-Коргон району 10.07.2015 13:13

Жалал-Абадда чет өлкөлүк бир нече мекеме-уюмдар менен кызматташуу боюнча 8 келишимге кол коюлду

Turmush -  Кечээ, 9-июлда Жалал-Абад шаарында облустун бир канча өнөр жай ишканалары менен орусиялык жана чет өлкөлүк бир нече мекеме-уюмдардын ортосунда кызматташуу тууралуу сегиз келишимге кол коюлду, деп билдирет Turmush басылмасынын аймактык кабарчысы.

Маалыматка ылайык, Орусиянын Тюмень облусундагы мамлекеттик архитектура жана курулуш (агрардык-инженердик) университети менен келишимге ушул университеттин өкүлү Ханзада Сманова менен өкмөттүн Жалал-Абад облусундагы ыйгарым укуктуу өкүлү Жумагүл Эгамбердиева кол коюшту.

Ноокен районунда кытай инвестициясына цемент заводун куруу келишими да болду. Ага «Курманбек» жоопкерчилиги чектелген коомдун төрагасы Кубанычбек Жумалиев менен кытайлык хандзи уюумунун башчысы Хей-Чен-Ю кол коюшту.

Сузак районундагы Багыш айыл аймагына аммонит өндүрүүчү завод куруу келишим да болду. Сузак районунда өсүмдүк майын өндүрүү тууралуу жабык типтеги «Бир бир» аттуу акционердик коомдун башчысы Айтмамат Кошоев менен район акими Абдымуктар Маматов макулдашып, кол коюшту.

Бири-бирин түшүнүшүү келишимине Кочкор-Ата шаарындагы «Кыргызнефтегаз» АКнын директору Жеңиш Жумалиев менен Тюмень облусундагы «Богадинский» АКнын ( нефтини кайра иштетип чыгаруучу заводунунун ) өкүлү Анна Бахарева макулдашышты. Алар да өз ара келишимге кол коюшту.

Базар-Коргон району «Лесик-Юг» аттуу уюм менен кызматташа турган болду. Чаткал районунун акими Канжарбек Эшалиев менен ушул эле райондо иштеп жаткан жабык типтеги «Кичи чаарат» коомунун өкүлү Ся-о-ган да кол коюшту.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×