Бөлүмдөр
Шейшемби, 20-август
Жалал-Абад облусуБазар-Коргон району 12.03.2016 14:52

Италияда 2-орунду камсыздаган кикбоксчу Бабурга Базар-Коргондун акими сыйлык тапшырды (фото)

Turmush -  Кечээ, 11-мартта Жалал-Абад облусуна караштуу Базар-Коргон районунун акими Таалай Дөлдөев Италиянын Римини шаарында кикбокс боюнча өткөн дүйнөлүк мелдеште 2-орунду багындырган Бабур Режевалиевге «Кик бокс боюнча спорт чебери» Кубогун тапшырды.

Райондук мамлекеттик администрациясынан Turmush басылмасынын аймактык кабарчысына маалымдалгандай, Бабур бул мелдешке 51 кг салмактар арасында катышты. Буга чейин Бабурга өкмөт тарабынан 200 миң сом сыйлык тапшырылган.

Б.Режевалиев учурда Жалал-Абад шаарындагы окуу жайлардын биринде юридикалык билим алууда. Бул спорттун түрү менен 3-классынан баштап машыгат.

Буга чейин 2012-жылы Казакстанда өткөн мелдеште Азия чемпиондугун багындырган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×