Бөлүмдөр
Шаршемби, 21-август
Жалал-Абад облусуБазар-Коргон району 25.04.2017 18:30

Айыл турмушу: 70 жаштагы чебер Б.Көчөрбаева эмгектерин Индия, Россия, Азербайжанга алып барды (фото)

Turmush -  Чаткал районунун Жаңы-Базар айылынын 70 жаштагы тургуну Көчөрбаева Байыткан апа 5 жашынан сайма сайганды өздөштүргөн. Аймактык кабарчы чебердин эмгектери менен таанышты.

Б.Көчөрбаеванын айтымында, ал 33 жыл мурун 30 кыз-келиндин башын бириктирип, чеберчиликти үйрөтө баштаган. Индияда, Россияда, Азербайжанда өткөн көргөзмөлөргө катышып келген.

«Менин апам дасыккан чебер болгондуктан мен кол өнөрчүлөрдүн дүйнөсүнө эрте аралаштым. Мектепке барганга чейин эле сайма сайганды билчүмүн. Апам бизге өз өнөрүн үйрөттүп кетти. «Колуң ойносо, оозуң ойнойт» дегендей, чеберчилик менен ушул күнгө чейин эмгектенип келе жатам. 1985-жылы калкты, турмуш-тиричиликти тейлөө комбинатында башчы болуп эмгектенип калдым. Ошол кезде 30 кыз-келиндин башын бириктирип, тигүү цехин ачтым. Өзүм бычмачымын. Бардык кыздарга тигүүчүлүктүн ар кандай түрлөрүн үйрөтө алдым. Негизинен кийизден шырдактарды, үйгө кийүүчү бут кийимдерди, унааларга жабууларды жасап келебиз. Мындан сырткары жибектен сайма саябыз», - деди ал.

Байыткан апа Индияга 2 жолу барып, көргөзмөгө катышып келгендигин белгиледи.

«Кыргыздын буюмдары индиялыктардын кызыгуусун арттырды. Мен 2 жолу Индияга барып, көргөзмөгө катышып келдим. Мындан сырткары, Москва шаарында, Азербайжанда өткөн көргөзмөлөргө дагы катышып турам», - деп кошумчалады ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×