Бөлүмдөр
Жекшемби, 20-январь
Жалал-Абад облусуБазар-Коргон району 29.09.2017 10:15

Базар-Коргондогу өзбек тилдүү мектепте кыргыз тил бөлмөсү ачылды (фото)

Turmush -  Базар-Коргон районунун Базар-Коргон айылындагы №4 Алишер Навои атындагы орто мектепте өзбек тилдүү башталгыч класстын окуучулары үчүн кыргыз тил бөлмөсү ачылды.

Маалым болгондой, бөлмө мамлекеттик тилдин 28 жылдыгына карата жарыяланган эки айлыктын алкагында ата-энелердин демөөрчүлүгү менен түптөлгөн. Ачылыш аземге райондук билим берүү бөлүмүнүн башчысы Т.Үсөнов катышып, мектеп жамаатына ийгиликтерди каалады.

Мындан тышкары, №26 Худайбердиев атындагы өзбек тилдүү орто мектепте мамлекеттик тилдин 28 жылдыгына карата майрамдык иш-чара өткөрүлдү. Окуучулар кыргыз элинин каада-салттарын жана үрп-адаттарын даңазалаган ырларды аткарышты. Соңунда мыкты окуучуларга грамоталар ыйгарылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×