Бөлүмдөр
Шейшемби, 20-август
Жалал-Абад облусуБазар-Коргон району 19.03.2018 14:58

Базар-Коргондо чабанды, анын атын жана 14 койду сүзүп өлтүргөн «Матиздин» айдоочусу ооруканада

Turmush -  Базар-Коргон районунда жол кырсыктан улам каза болгон чабандын жакындары азырынча милицияга арыз менен кайрыла элек. Мындай маалыматты Жалал-Абад ОИИБдин Жол кыймылынын коопсуздугун көзөмөлдөө бөлүмүнүн ага инспектору А.Сатыбалдиев бүгүн, 19-мартта билдирди.

Анын айтымында, Сейдикум айылында 200гө чукул кой айдап бара жаткан чабанды минип жүргөн аты менен кошо сүзгөн «Дэу Матиз» унаасынын айдоочусу да жаракат алып, ооруканага түшкөн. Окуя ушул жылдын 17-мартында саат 21:00 чамасында болгон.

«Ал эми кырсыктан каза болгон жарандын жакындары азырынча милицияга арыз менен кайрыла элек. Окуя боюнча териштирүү иштери жүрүп жатат», - деп айтылат маалыматта.

Буга чейин Базар-Коргон районундагы Сейдикум айылында 200гө чукул кой айдап бара жаткан чабанды «Дэу Матиз» үлгүсүндөгү унаа сүзүп өлтүргөндүгү маалымдалган. Оор жаракат алган чабан ооруканага жетпей көз жумуп, 14 баш кой жана минип бара жаткан аты окуя болгон жерде өлгөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×