Бөлүмдөр
Шейшемби, 20-август
Жалал-Абад облусуБазар-Коргон району 21.06.2018 18:10

Базар-Коргондо мал уурулук менен алектенип жүргөн 2 жигит кармалды

Turmush -  Жалал-Абад облусунун Базар-Коргон районунда буга чейин ачылбай жүргөн мал уурулук боюнча 5 фактынын бети ачылды. Бул тууралуу ОИИБдин басма сөз кызматы билдирди.

Маалыматка караганда, КРнын Кылмыш-жаза кодексинин 165-беренеси (мал уурулук) менен козголгон кылмыш ишинин негизинде РИИБдин ыкчам кызматкерлери тарабынан мал уурулук менен алектенип жүрүүгө шектүү 2 жаран кармалган. Алар Базар-Коргон районунун Акман айылынын 1996-жылы туулган тургуну Б. уулу А., жана Базар-Коргон районунун Кызыл-Октябрь айылынын 1995-жылы туулган тургуну Э. уулу Д., экендигин аныкталган.

Алар төмөндөгү мал уурулуктарды жасаган деп шектелүүдө.

1) Ушул эле жылдын 7-июнунан 8-июнуна караган түнү Базар-Коргон районунун Кеңеш айыл аймагынын Уч-Булак айылынын 1975-жылы туулган тургуну Э.С. 1 баш 1,5 жашар кунажын торпогун, айылда көчөдө жүргөн жеринен уурдатып, ага 25 000 сомдук материалдык зыян келтирилген.

2) 24-майдан 25-майга караган түнү Базар-Коргон районунун Талды-Булак айыл аймагынын Кыргоо айылынын 1986-жылы туулган тургуну С.М., 1 баш (базар баасы 23 000 сомдук) кунажынын уурдатып, милицияга арыз менен кайрылган.

3) 5-июндан 6-июнга караган түнү Базар-Коргон районунун Талды-Булак айыл аймагынын Каба айылынын 1985-жылы туулган Ч.Б., аттуу тургуну 2 букасын уурдатып, 85 000 сомдук материалдык зыян тарткан.

4) 19-апрелден 20-апрелге караган түнү Базар-Коргон районунун Сейдикум айыл аймагынын Айгыр-Жал участкасынын 1968-жылы туулган тургуну М.С.тин 2 жашар букасын белгисиз адамдар уурдап, ага 20 000 сомдук зыян келтирилген.

5) 9-июндан 10-июнга караган түнү Базар-Коргон районунун Талды-Булак айыл аймагынын Каба айылынын 1967-жылы туулган Т.Кнын 1 баш кара түстөгү кашка торпок букасын белгисиз адамдар уурдап, ага 20 000 сомдук материалдык зыян келтирилген. Жалпысынан шектүүлөр 6 мал уурдап, мал ээлерине 173 000 сомдук материалдык зыян келтирген.

Учурда кылмышка шектүүлөрдүн ушул сыяктуу башка кылмыштарга да тиешеси бар же жоктугун текшерүү боюнча ыкчам тергөө амалдары уланууда.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×