Бөлүмдөр
Шейшемби, 16-октябрь
Жалал-Абад облусуБазар-Коргон району 11.09.2018 13:00

Ак алтын түшүмү: Базар-коргондук дыйкандар пахта теримин башташты (фото)

Turmush -  Базар-Коргон районундагы дыйкандар пахта жыйноого киришти. Алардын катарын Сейдикум айылынын тургуну Миргүл Козубекова да толуктайт.

Анын айтымында, ал көп жылдардан бери пахтадан түшкөн киреше менен үй-бүлөсүн багып келет.

«Жылдагыга салыштырмалуу быйыл пахтанын түшүмү жакшы, учурда пахтанын 1 килограммын терип берүү 5 сомдон бааланууда, ал эми кийинчерээк пахта азайган мезгилде 10 сомго чейин көтөрүлөт. Бир күндө 80-90 килограммга чейин пахта теребиз», - дейт ал.

Быйыл дыйкандар бир гектар жерден орточо 30-35 центнерден түшүм жыйноону пландап жатышат. Өткөн жылы бир килограмм пахта 42 сомдон 46 сомго чейин сатылса, быйыл 41 сомдон бааланууда.

Базар-Коргон райондук өнүктүрүү департаментинин башчысы Авазбек Палвановдун айтымында, Базар-Коргон районунда быйыл 3272 гектар жер аянтына пахта эгилген. Райондо жалпы 5 пахта завод бар.

«Аймактагы дыйкандардын баары пахтаны ушул заводго өткөрүшөт», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×