Бөлүмдөр
Бейшемби, 23-январь
Жалал-Абад облусуБазар-Коргон району 17.12.2019 11:19 На русском

ИИМ соттолуп, каза болгон деген жетекчи К.Чойтоев тирүү экенин билдирди

Turmush -  ИИМдин корутундусунда Базар-Коргон районуна караштуу Кызыл-Үңкүр айыл аймагынын тургуну Каныбек Чойтоевди эки жолу соттолуп, каза болгондугу жазылган. Бирок ысымы аталган жаран ИИМдин корутундусундагы маалыматты четке кагып, ал тирүү экенин билдирди, деп маалымдайт аймактык кабарчы.

Кечээ, 16-декабрда Кызыл-Үңкүр токой чарбасынын жетекчиси болуп дайындалган Каныбек Чойтоевди райондун акими Айбек Бегимкулов жамаатка тааныштыруу үчүн алып барганда, жаңы жетекчинин келүүсүнө нааразы болгон тургундар топтолушкан. Анда чогулгандар К.Чойтоевди эки жолу соттолуп чыкканын билдиришкен. Ал эми К.Чойтоев журналисттердин суроолоруна жооп берип жатып, анын соттолгону жалган экенин айтты.

«Мен эки жолу соттолсом, сот чечими болушу керек эле да. Менин соттолгонумду далилдешсин. Бул жөн гана каралоо. Тааныштарыман WhatsApp аркылуу кызыктай маалымат алдым. Анда ИИМдин корутундусунда мени Кеминде эки жолу уурулук кылып соттолгон, каза болгон деп жүрөт. Мен тирүүмүн. Корутундуга министр Кашкар Жунушалиевдин колу коюлуптур. Мен бир чети адашып калыштыбы деп ойлондум. Бирок туулган жылым, айым, күнүмө чейин туура чыгып жатат. Буга чейин президент С.Жээнбеков Кочкор-Ата шаарына келип эл менен жолукканда ИИМ башчысына мен тирүүмүн деп айтайын дегем, айрым адамдар токтотушканынан маселени көтөргөн эмесмин. Мына бул деле курулай доомат да», - деди ал.

Каныбек Чойтоев 13-декабрь күнү Кызыл-Үңкүр токой чарбасына жетекчи болуп дайындалган.

Буга чейин Кызыл-Үңкүр токой чарбасынын жетекчиси болуп дайындалган Каныбек Чойтоевдин бул кызматка келишине каршы болгон айылдаштары аны ишканага киргизбей коюшканы маалымдалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×