Бөлүмдөр
Шейшемби, 20-август
Жалал-Абад облусуБазар-Коргон району 19.03.2014 10:55

Базар-Коргон районундагы борбордук базар ирээтке келтирилүүдө, учурда 12,5 млн сомдук жумуш аткарылды

Turmush -  Базар-Коргон районунун борборунда жайгашкан борбордук базардын ичиндеги соода түйүндөрүн ирээтке келтирүү, соода сатык менен алектенген тургундарга шарт түзүү демилгеси райондук мамлекеттик администрациясынын башчысы-аким Т.Долдоев тарабынан колго алынып, базарга кирүүчү жолдун эки тарабында калктын базарга кирип чыгуусу үчүн жол кенейтилди.

Райондук администрациянын басма сөз кызматы маалымдагандай, бул мезгилге чейин райондун борбордук базарынын кире бериш жери башаламандыктан, унаалардын көптүгүнөн жергиликтүү тургундар кыйналып келишкен.

Учурда базардын алдындагы 2 чакырым жолго асфальт төшөлүп, жолдун эки жээгине лоток арыктар орнотулду. Борбордук базарды иретке келтирүү кадамы башталгандан тартып, ушул күнгө чейин базардын абалын жакшыртуу үчүн республикалык бюджеттин эсебинен 12,5 млн сомдук жумуш аткарылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×