Бөлүмдөр
Шейшемби, 20-август
Жалал-Абад облусуБазар-Коргон району 24.04.2014 17:13

Базар-Коргон районунда 3 ай ичинде 16 млн 370,2 миң сом түшүп, бюджеттин аткарылышы 104,4%ды түздү

Turmush -  Жалал-Абад облусуна караштуу Базар-Коргон районунда айылдык бюджеттин аткарылышы боюнча 2014-жылдын 1-кварталында пландагы 15 млн 687,2 миң сомдун ордуна 16 млн 370,2 миң сом жыйналып, 104,4%га аткарылган. Бул туурасында Базар-Коргон райондук мамадминистрациясынын басма сөз кызматы билдирди.

Ал эми өткөн жылга карата 3 млн 862,8 миң сомго көп аткарылып, 130,9%ды түзөн. Маалыматка таянсак, жергиликтүү салыктар жана жыйымдар боюнча бюджет Бешик-Жон айыл аймагында пландагы 801,9 миң сомдун ордуна 799,6 миң сом аткарылып, 99,7%ды, Могол айыл аймагында 803,5 миң сомдун ордуна 792,3 миң сом жыйнап, 98,6%ды түзгөн. Ал эми Талдуу-Булак айыл аймагында 400,6 миң сомдун ордуна 392,4 миң сомго аткарылып, 98,0%ды түздү.

Жергиликтүү бюджеттин киреше бөлүгүн (трансферттер менен) кошо эсептегенде пландагы 24 млн 678,4 миң сомдун ордуна 25 млн 775,4 миң сомго аткарылып, 104,4%ды түздү.

Кайра бөлүштүрүү фондунун ижара акысы Акман айыл аймагында 69 миң сомдун ордуна 47,1 миң сом жыйналып, 68,3% га, ошондой эле Сейдикум айыл аймагында 147,2 миң сомдун ордуна 135,9 миң сом жыйналып, 92,3%га аткарылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×