Бөлүмдөр
Шейшемби, 20-август
Жалал-Абад облусуБазар-Коргон району 24.04.2014 18:07

Базар-Коргондо пахта эгүү жана үрөнчүлүктү өркүндөтүү боюнча семинар өттү

Turmush -  Жалал-Абад облусуна караштуу Базар-Коргон районундагы Сейдикум айыл аймагынын ННН-3 кооперативинде 22-апрель күнү «Пахта эгүү жана үрөнчүлүктү өркүндөтүү» темасында райондук агрардык өнүктүрүү башкармалыгынын демилгеси менен райондук өндүрүштүк семинар өткөрүлдү. Бул туурасында райондук администрациянын басма сөз кызматы билдирди.

Маалыматка таянсак, семинар Базар-Коргон райондук мамлекеттик администрациясынын башчысы-аким Таалайбек Долдоевдин апшырмасы менен өттү.

Семинарга райондук мамлекеттик администрация башчысы жана биринчи орун басары, өкмөттүн Жалал-Абад областындагы ыйгарым укуктуу өкүлдүн орун басары, облустук үрөнчүлүк инспекциясынын башчысы, түштүк регионалдык пахта үрөнчүлүгү боюнча инспекция адиси жана айыл аймак башчылары катышты.

Семинарда пахтанын түшүмдүү сорттору, пахта эгүү агротехникасы боюнча прогрессивдүү технологиялар боюнча маалыматтар берилди. Райондо үрөнчүлүктүн абалы талкууланып, милдеттер белгиленди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×