Бөлүмдөр
Ишемби, 24-август
Жалал-Абад облусуБазар-Коргон району 25.07.2014 15:24

Базар-Коргон районунда 6 айда айыл чарба тармагы боюнча 2,5 млрд ички дүң продукция өндүрүлдү

Turmush -  Жалал-Абад облусунун Базар-Коргон районунда 2014-жылдын I жарым жылдыгында айыл чарбасынын бардык тармактары боюнча салыштырма баада 2 млрд 530 млн 402,6 миң сомдук ички дүң продукция өндүрүлгөн. Бул туурасында Базар-Коргон райондук администрациясынын 6 айлык отчетунда айтылды.

Маалым болгондой, өндүрүштүн көлөмү өткөн жылдын деңгээлине салыштырмалуу 117,4%га, ал эми 2014-жылга кабыл алынган божомолго салыштырмалуу 120,4%га аткарылды.

Өткөн жылга карата ички дүң продукциянын көлөмү 375 млн 207 миң 300 сомдук, ал эми 2014-жылдын божомолуна салыштырмалуу 429 млн 643 миң 500 сомдук продукцияга көп өндүрүлдү.

Жалпы ички дүң продукциянын көлөмүнүн 61%ы айыл чарба тармагына, 28%ы чекене товар жүгүртүүгө, 3,3%ы өнөр жай тармагына 4,3 %ы капиталдык салымдарды өздөштүрүүгө жана 3,4%ы акылуу кызмат көрсөтүүгө туура келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×