Бөлүмдөр
Шейшемби, 20-август
Жалал-Абад облусуБазар-Коргон району 20.09.2014 11:41

Базар-Коргондо 2013-2014-окуу жылында 5 мектепте оңдоп-түзөө жана курулуш иштери жүргүзүлдү

Turmush -  Базар-Коргон районунда 2013-2014-окуу жылында 5 билим берүү мекемесинде оңдоп-түзөө жана курулуш иштери жүргүзүлдү. Бул тууралуу райондук билим берүү бөлүмүнүн жетекчиси Тынычбек Усенов билдирди.

Анын айтымында, Базар-Коргон районук билим берүү бөлүмүнө караштуу Ж.Бөкөмбаев гимназия жатак мектебинин курулушуна республикалык бюджеттин эсебинен 42 млн сом бөлүнүп, мектептин 1-2-кабаттарынын дубалы бүткөрүлүп, курулуш иштери 70%га жүргүзүлдү.

К.Салбанов негизги мектеби Түркия мамлекети тарабынан берилген грант аркылуу курулуп жатат, анын жалпы суммасы 38 млн сом. Мектептин курулушу 2014-жылдын 1-сентябрына карата аяктап ишке берилген.

Ошондой эле, К.Бакиев негизги мектебинде жеке демөөрчү Адилет Кубанычбеков тарабынан 1 млн 500 сомдук кошумча имарат курулуп, кечээ, 19-сентябрда ачылышы болду. Ал эми Арстанбап айыл аймагындагы Кош-Терек орто мектебине жеке демөөрчү жана жергиликтүү бюджет тарабынан жалпы суммасы 1 млн 500 миң сомдук жаңы имарат курулуп, 2014-жылдын август айында бүткөрүлдү.

2014-жылдын II квартал ичинде Исманов мектебинде 1 млн 100 миң 500 сомдук ашкана бүткөрүлгөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×