Бөлүмдөр
Шаршемби, 21-август
Жалал-Абад облусуБазар-Коргон району 29.09.2014 12:27

Базар-Коргондо РИИБ тарабынан кылмыштуулуктун, мектеп рэкетчилигинин алдын алуу максатында ачык эшиктер күнү өткөрүлдү (фото)

Turmush -  Жалал-Абад облусунун Базар-Коргон РИИБнин жетекчилиги демилге көтөрүп, 26-сентябрь күнү «Мекеним менин-Кыргызстан!» аттуу долбоордун алкагында өспүрүмдөр арасында кылмыштуулуктун алдын алуу, мектеп рэкетчилигине жол бербөө, окуучулар арасында ынтымакты чыңдоо максатында Ачык шиктер күнү өткөрүлдү.

Жалал-Абад ОИИБ басма сөз кызматы маалымдагандай, Базар-Коргон районунун Кеңеш айыл округунун 12 мектебинин арасында 9-11-класстын окуучулары катышкан тегерек стол өтүп, спорттун 5 түрү волейбол, футбол, баскетбол, шахмат жана шашки боюнча мелдештерде жаш өспүрүмдөр күч сынашышты.

Уткан командаларга дипломдор жана баалуу белектер тапшырылды. Бул иш-чарага айыл округ башчылары, мектептин директорлору жана мугалимдери, коомдук уюмдардын өкүлдөрү, ардагерлер жана милиция кызматкерлери катышышты.

Базар-Коргон РИИБнүн башчысы милициянын полковниги Абдил Кунанбаев бул өткөрүлгөн иш-чарада жеңүүчүлөрдү куттуктап, жаш өспүрүмдөрдү ынтымакка, достукка чакырып, кылмыштуулуктан жана жаман жосундардан алыс болууга үндөдү.

рииб

рииб2

рииб3

рииб4

рииб5

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×