Бөлүмдөр
Шейшемби, 20-август
Жалал-Абад облусуБазар-Коргон району 01.10.2014 12:00

Базар-Коргондо Ю.Исламов атындагы орто мектепте компьютердик класс ачылды

Turmush -  Жалал-Абад облусунун Базар-Коргон районундагы Арстанбап айылында кечээ, 30-сентябрда Базар-Коргон райондук мамлекеттик администрациясынын башчысы Таалайбек Долдоев, кошмо жыйындын төрагасы Адылбек Маманов жана тийиштуу райондук мекеме-уюмдардын жетекчилери менен бирдикте Арстанбап айыл аймагынын аппарат кызматкерлеринин катышуусунда жолугушуу өттү.

Аппараттык жыйында айыл аймак башчысы Икрам Чолпонов акыркы 9 айда аткарылган иштердин экономикалык көрсөткүчтөрүнө токтолду.

Анын айтымында, №29 Монокбаев атындагы орто мектептин жана №19 Арстанбап орто мектебинин чатырлары жаңыланды.

Ошондой эле, «Кош-Терек» негизги мектебинин кошумча эки окуу бөлмөсү, китепкана жана лабораториясынын курулушу бүткөрүлүп, Ю.Исламов атындагы №34 орто мектепке компьтердик класс ачылды. №39 Бел-Терек орто мектебине жаңы даараткана курулган.

Аны менен катар, «Айпери» жана «Булбулча» балдар бакчаларында кенже тайпалар ачылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×