Бөлүмдөр
Шейшемби, 20-август
Жалал-Абад облусуБазар-Коргон району 22.10.2014 09:38

Базар-Коргондо быйыл бюджеттик ссудадан 9 адам 1 млн 759,3 миң сом алса, мамматрезервден 6 адам 299,5 тонна буудай алды

Turmush -  Жалал-Абад облусунун Базар-Коргон районунда айылдык товар өндүрүүчүлөрдү колдоо максатында Экономиканы өнүктүрүүнүн мамлекеттик фонду тарабынан үстүбүздөгү жылдын 9 айында 88,6 млн сомдук сапаттуу үрөн, аштык буудай, күйүүчү май жана жер семирткич, айыл чарба техникалары берилди. Бул тууралуу Базар-Коргон райондук мамадминистрациясынын басма сөз кызматы билдирди.

Маалым болгондой, быйылкы жылдын 9 айында бюджеттик ссуда 613,1 миң сомго аткарылып, 170,3%га, чет мамлекеттик гранттар 1 млн 293,8 миң сомго аткарылып, 85,1%га, мамлекеттик материалдык резервдер фонду 423,3 миң сомго же 100%га жана Кытай тракторлорунун карызы 1 млн 158 миң сомго аткарылып 61,1%ды түзгөн. Жалпы район боюнча пландагы 3 млн 772,7 миң сомдун ордуна 3 млн 488,2 миң сом кайтарылып, 92,4%ды түздү.

Ошондой эле, өкмөттүн 2012-жылдын 13-ноябрындагы №771 токтомуна негиз бюджеттик ссуда алган 11 жарандын 3 млн 85,1 миң сомдук карызынын мөөнөтү узартылды.

Мындан тышкары, район боюнча Экономиканы өнүктүрүү мамлекеттик фондунан 694 чарба товардык насыя алса, анын ичинен 236 чарба толугу менен кайтарылды.

Ал эми, насыялык карызын кайтара элек чарбанын ичинен 24 чарба менен кайрадан келишим түзүлгөн. 42 чарбанын ээси чет мамлекетте жүрүшөт. 102 чарбага соттук чечим чыгарылган жана 1 субъекттин мураскору жок. Ал эми, башка субъекттилер боюнча тийиштүү иш-аракеттер жүргүзүлүүдө.

Маалым болгондой, жалпы кредиттердин түрлөрү боюнча бюджеттик ссудадан 9 адам 1 млн 759,3 миң сом, 10 адам япон грантынан 3 млн 806,4 миң сом жана 6 жаран мамлекеттик материалдык резервден 299,5 тонна буудай алды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×