Бөлүмдөр
Шейшемби, 20-август
Жалал-Абад облусуБазар-Коргон району 23.10.2014 09:51

Базар-Коргон районунда быйыл 9 спорттук мелдеш өткөрүлдү, - райадминистрация

Turmush -  Базар-Коргон районунда 1500 орундуу борбордук стадион, 31 спортзал, 2 курулуп бүтпөгөн спортзал, 5 ыңгайлаштырылган спорттук мекеме, 2 кичи футбол аянтчасы бар. Бул тууралуу Базар-Коргон райондук мамадминистрациясынын басма сөз кызматы билдирди.

Маалыматка ылайык, быйыл 2014-жылы Базар-Коргон жана Абдраимов айылдарында кичи футбол аянтчалары курулуп, райондук дене-тарбия жана спорт бөлүмү тарабынан акыркы 9 айда 9 спорттук мелдеш өткөрүлдү.

Маалым болгондой, спорттук мелдештерди өткөрүү үчүн райадминистрация тарабынан 160 миң сом, Базар-Коргон айыл аймагы 150 миң, Кеңеш айыл аймагы 120 миң, Сейдикум 60 миң, Акман айыл аймагы 25 миң, Бешик-Жон айыл аймагы 50 миң, Арстанбап айыл аймагы 80 миң, Могол айыл аймагы 25 миң, Талды-Булак айыл аймагы 50 миң сом каражат бөлүндү.

Белгилей кетсек, өспүрүмдөр арасында кикбоксинг боюнча мелдеште 2-орунду З.Оморов, 3-орунду Бекзат Бабур уулу ээледи.

Ал эми, Кара-Көл шаарында өткөрүлгөн өкмөттүн Жалал-Абад облусундагы өкүлүнүн кубогунда алыш боюнча райондон 5 салмак категориясында 135 спортчу катышып, жалпы 120 миң сомдук байгеге ээ болушкан.

Мындан тышкары, Ысык-Колдун Чолпон-Ата шаарында өткөн «Ысык-Кол оюндары-2014» мелдешинде волейбол боюнча барган Кеңеш айыл аймагынын тайпасы 3-орунду ээледи.

Ошондой эле, Италияда өткөн кикбоксинг боюнча мелдеште спортчу Бабур Режевалиев кумуш медалдын ээси болуп кайтты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×