Бөлүмдөр
Шейшемби, 20-август
Жалал-Абад облусуБазар-Коргон району 17.12.2014 17:09

Базар-Коргон районунда ЖК депутаттары Ө.Текебаев жана С.Нышановдун катышуусунда жаңы бала бакчанын ачылышы болуп өттү (фото)

Turmush -  Жалал-Абад облусунун Базар-Коргон районундагы Бешик-Жон айыл өкмөтүндө бүгүн, 17-декабрь жаңы бала бакчанын ачылышы болду. Бул тууралуу Turmush басылмасынын кабарчысы билдирди.

Ачылуу салтанатка депутаттар Өмүрбек Текебаев, С.Нышанов, КР өкмөтүнүн Жалал-Абад облусундагы ыйгарым укуктуу өкүлүнүн орун басары Бактыбек Анаркулов, Базар-Коргон районунун акими Таалайбек Долдоев жана айыл тургундары катышты.

«Баластан» атындагы бакча 90 орунга ылайыкташып, 2011-жылы башталып 2014-жылдын ноябрь айында аягына чыкты. Аталган балдар бакчасы түрткү берүүчү гранттын эсебинен 2 млн 700 миң сом, элдин үнү долбоорунан 1 млн сом, жергиликтүү бюджеттен 2 млн 902 миң 716 сом болуп жалпы 6 млн 602 миң 716 сомго курулуп бүткөрүлгөн.

Балдар бакчасынын жетекчиси Гүлзат Сейдиеванын айтуусу боюнча, балдар бакчасында 13 кызматкер эмгектенип, жаш бөбөктөргө 3 тарбиячы, 3 жардамчы тарбиячы жана 1 мээрбан көзөмөл жүргүзөт.

Жалпы 3 тайпа болуп 90 бала тарбия алууда, дейт бакчанын жетекчиси.

IMG-20141217-WA0099

IMG-20141217-WA0100

IMG-20141217-WA0101

IMG-20141217-WA0103

IMG-20141217-WA0098

IMG-20141217-WA0097

IMG-20141217-WA0096

IMG-20141217-WA0095

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×